LRT veidoj jaunu raidejumu cyklu “Sūpluok Latgolai”

“Sūpluok Latgolai” – tys ir jauns desmit raidejumu cykls par Latgolys reģiona cylvākim, par aktualū i nūteikūšū taišņi ite i tagad, kū veiduos SIA “Latgales reģionālā televīzija”. Desmit raidejumu laikā tiks skateitys piļneigi sovā storpā nasaisteitys i atšķireigys temys suokūt ar arhitekturu i viesturi leidz pat lauksaimnīceibai, muzykai i jaunuokuom inovacejom.

Golvonuo raidejuma ideja ir byut “sūpluok” jeb blokus/tyvuok gon raidiejuma vorūņim, gon skateituojim. Ikreiz izvieļeitī temati tiks ruodāti nu divim skotupunktim, pīmāram, pyrmajā raidejumā atkluosim kai ar Preiļu piļs atjaunuošonu i vēsturis nūslāpumu izzynuošonu veicas pošvaļdeibai i, cik daudzi dorba i pyuļu Ārendoles muižys atdzimšonā Vuorkovys nūvodā īguļdiejuse Turlaju ģimene. Raidejuma volūda ir latgalīšu, tai saglobojūt i popularizejūt tū na tikai Latgolā, bet ari vysā Latvejā.


Pyrmū raidejumu cikla “Sūpluok Latgolai” raidejumu veritās jau 5. juņī kanalā RE:TV pl. 21:00 i kanalā TV24 6. junī pl. 16:00. Dīnu vāluok raidiejums byus atrūdams ari inteneta vītnē www.youtube.com, kai ari Latgolys reģionaluos televizejis sātys lopā www.lrtv.lv i www.facebook.com kontā.


Raidejumi tūp konkursa “Par raidījumu veidošanu latviešu valodā 2018. gadā Latgales reģionālajos un vietējos plašsaziņas līdzekļos, kas raida televīzijas programmas” gaitā i tūs finansej Nacionaluo elektroniskūs plašsazinis leidzekļu padūme.

 

 

 

Ausma Sprukte

 

 

 

Dalīties Twitter     Dalīties Facebook